أخبار : الأوراق المطلوبة للإقامة السياحية في تركيا

لأي شخص دخل من جديد لتركيا أو للمقيمين الحاليين اللي مو حابين يجددو الإقامة بصفة لاجئ لأنو صار فيها تبصيم.

تم تناقل خبر على مواقع التواصل مفاده أن اجراءات الإقامة السياحية في تركيا والأوراق المطلوبة الجديدة كالتالي:

1-جواز سفر, ختم الدخول بشكل نظامي من أي معبر حدودي

2- صورة جواز السفر

3- ستة 6 صور ملونة

4- ايصال تصريف بقيمة 6000 دولار, أو كشف حساب جاري من البنك يكون الرصيد فيه نفس القيمة المطلوبة بالدولار.

5- ايصال 50 ليرة + 10 عمولة تدفع في اي فرع للبنك الزراعي التركي “خود معك طلب الرانديفو الأساسي للبنك مشان يفهمو عليك انو بدك تدفع لحساب الأمنيات”

6- عقد بيت لمدة سنة “لا تقبل العقود قصيرة الأمد”

7- تصديق عقد البيت Noter . بعض مكاتب التصديق ممكن يطلب منك تسجيل العقد بدائرة الضرائب .. اذا طلب هالشي, روح لعند غيره

8- طلب الرانديفو الأساسي

9- تأمين صحي لمدة سنة يدفع بشكل سنوي 800 ليرة تقريباً “حسب الشركة” لكل شخص, يعني اذا عائلة, لازم كل واحد يكون عنده تأمين صحي. يستفاد من التأمين الصحي بتخفيض بعض تكاليف الرعاية الصحية حتى 60%.

10- دفتر الاقامة القديم للمقيمين الحاليين + رقم ال T.C + صورة عن دفتر الاقامة “رح ياخدو منك الدفتر القديم ويخرزوه مع طلب الرانديفو الأساسي”

11- تقديم جميع الأوراق بمركز الأمنيات – فاتح. خلال شهرين بيبعتولك الاقامة على العنوان المسجل بعقد البيت. الاقامة الجديدة رح تكون كرت بلاستيك ازرق بدل الدفتر الورقي القديم.